100 minutas rumantsch Tania Chytil

La moderatura da televisiun da la Svizra franzosa è vulcan d’energia cun in dun per la lingua rumantscha. En la lecziun cun Sara Francesca Hermann raquinta ella tranter auter ch’ella è parenta cun ina vaira icona da la istorgia Svizra.

Autur: René Spescha ed Orlando Cadonau

Cunquai ch’ella moderescha in’emissiun da scienza è ella tar RTS la «Madame science e decouvertes». Ella saja ina sutnezza da la Gilberte de Courgenay ed ina figlia d’in emigrant da la Bulgaria. Ed ertà ha ella cun segirtad l’energia dad omadus ensemen. Ses pled preferì en rumantsch: la maschina da far (s)piz.