En paucs dis festegia la Svizra in grond anniversari – il 175avel da la Constituziun federala, la basa da la cuminanza en noss stadi. Ina raschun per far festa, per far discurs ed en quels ludar ils merits da la constituziun. Tranter quels merits: la libertad religiusa.
In sguard en Grischun mussa – noss perdavants grischuns, quels eran bler pli sperts:
Ina tscherta libertad da la religiun hai dà gia antruras en il Grischun, numnadamain dapi il segund artitgel da Glion, che las vischnancas grischunas avevan decretà.
Ils Grischuns e las Grischunas dimena 300 onns pli spertas ch’il rest da la Svizra? Sch’ins taidla vinavant a Florian, tuna quai in zic pli pragmatic:
Lura era vegnì decis, che mintga vischnanca è sezza responsabla per la tscherna da ses spiritual. Dal 1526 hai dà duas sorts da spirituals, per ils quals ch’ins saveva sa decider: Preditgants refurmads u spirituals catolics. La tscherna dal spiritual era automaticamain ina decisiun da la confessiun.
Co ch’i stat cun constituziun e libertad religiusa or da perspectiva grischuna, quai tematisescha la Vita e cretta questa dumengia.
audio
La libertad religiusa
ord Vita e cretta dals 10.09.2023.
laschar ir. Durada: 58 minutas 30 Secundas.
