Per il veterinari Benjamin Biner cumenza e finescha il di cun in cas urgent. La bun'ura a las 04:30 vegn el clamà perquai ch'in giat ha dolurs e la saira è quai ina vatga che dovra agid tar la naschientscha. «Sche tut va bain na dat quai betg insatge pli bel ch'ina naschientscha», raquinta il Vallesan. El è dapi quest onn schef da la Clinica Alpina a Scuol.
Men Bischoff e Beni Biner a lavur
-
Bild 1 von 5. Tar «Arjago» datti bler da far per il dentist – . chavals han ina lingiada da 25 centimeters dents a dretga ed a sanestra. Bildquelle: RTR/Cuntrasts.
-
Bild 2 von 5. Morder l’erva cun magliar – . Men Bischoff mussa co ch’in chaval dovra ses dents. Bildquelle: RTR/Cuntrasts.
-
Bild 3 von 5. Ultima diagnosa – . Beni Biner tar il giat «Muffin». Bildquelle: RTR/Cuntrasts.
-
Bild 4 von 5. Scolaziun durant l’operaziun – . Beni Biner lascha dar a la giarsuna in cuc en il venter dal vadè. Bildquelle: RTR/Cuntrasts.
-
Bild 5 von 5. Sustegn a tutta forza – . la naschientscha dad in vadè enta Samignun. Bildquelle: RTR/Cuntrasts.
Men Bischoff è veterinari cun corp ed olma. L'interacziun cun l'animal plascha ad el fitg bain. El è persvadì che l'animal ha in'olma e ch'el communitgescha cun il carstgaun. Avant che cumenzar cun il tractament dal chaval «Arjago», discurra il veterinari cun l'animal.
Uschia sa disa el vid mia vusch. Ins vesa co el gioga cun las ureglias. El è fitg interessà da vesair tge che capita.
Francesca Zala è creschida sì en il Canada sin ina ranch cun vatgas, chavals, chauns e giats. Là na deva quai betg in veterinari. Sch'i deva problems cun animals eri da telefonar al veterinari. «Il veterinari trametteva ils medicaments, las virolas e l'antibiotica per posta e nus avain stuì emprender da far sez quai. Uschia è naschida la passiun per quest mastergn», raquinta la veterinaria.
Francesca Zala e Marisa Tscholl en acziun
-
Bild 1 von 6. Il labrador «Mira» ha artrosa – . Francesca Zala è vi da la diagnosa. Bildquelle: RTR/Cuntrasts.
-
Bild 2 von 6. «Ivory» ha da sa revegnir da l’operaziun – . Francesca Zala guarda che tut va bain. Bildquelle: RTR/Cuntrasts.
-
Bild 3 von 6. Lavurar en la clinica è «multitasking» – . Francesca Zala e Marisa Tscholl en acziun. Bildquelle: RTR/Cuntrasts.
-
Bild 4 von 6. Chirurga dad animals pitschens – . mintga mesemna operescha Francesca Zala a Scuol. Bildquelle: RTR/Cuntrasts.
-
Bild 5 von 6. Ultimas preparativas per l’operaziun – . Louisa Hatecke e Francesca Zala fixeschan il chaun «Ivory». Bildquelle: RTR/Cuntrasts.
-
Bild 6 von 6. «Clinica Alpina, Marisa Tscholl» – . la dunna davos la vusch al retschaviment. Bildquelle: RTR/Cuntrasts.
Marisa Tscholl è assistenta veterinara. Ella ha da fixar termins, dar squittas, far labor, calmar ils animals e controllar la narcosa. Per ella è quai adina stà ina passiun e betg mo in job. «Igl è bel da vesair la saira tge ch'ins ha fatg, e cun quants animals ch'i va puspè bain. Quai fa ch'jau sun cuntenta», di ella.
La Clinica Alpina è ina clinica veterinaria per tut l’Engiadina – da sisum fin enta Samignun. Dapi quest onn è il veterinari vallesan Benjamin Biner nov possessur da la clinica, suenter ch’il veterinari Men Bischoff da Sent aveva mess en pè ella l’onn 2010. Oz porscha la clinica lavur per 7 veterinarias e veterinaris, 4 assistentas veterinaras, 3 giarsunas ed 1 collavuratura administrativa en ses dus lieus. La sedia principala è a Scuol, vitiers sa chatta ina pratica a Samedan.