Sco gia l'onn 2020 ha il cussegl da la fundaziun er preferì quest onn da reparter il premi da fundaziun sin pliras uniuns. Surdà ils premis a represchentants dal Chor viril Surses, dal Chor viril Ligia Grischa ed a l'uniun TennaPlus han trais commembers dal cussegl da fundaziun: il president Peter Curdin Conrad, la commembra Barbara Janom Steiner ed il commember Ilario Bondolfi.
La Fundaziun famiglia Georg Aliesch-Davaz sustegna e promova cun premis la cultura en il Grischun. La fundaziun po dentant era onurar in burgais u ina burgaisa svizra per in'invenziun d'ina fitg auta qualitad, sco igl è fixà en il statut da fundaziun.