Siglir tar il cuntegn

Header

cuntegn

40 onns rumantsch grischun Heinrich Schmid – «il bab» dal rumantsch grischun

Entschavì ha tut cun in Whatsapp

Sch’el n’avess betg interess vi dal relasch da Heinrich Schmid? In messadi da Whatsapp cun quella dumonda ha sveglià la mirveglia da l’autur Casper Nicca. Heinrich Schmid (1921-1999) era il professer da Turitg che ha creà la basa per il rumantsch grischun, quasi «il bab» dal rumantsch grischun.

El è pia quel uman che ha influenzà la Rumantschia ils davos 40 onns sco paucs auters. Ma tgi era quest Heinrich Schmid? Partent dal relasch da Heinrich Schmid va Casper Nicca en il film per ils Cuntrasts a la tschertga dals fastizs dal professer prest emblidà. El discurra cun ils protagonists da lezzas uras, cun studentas ed enconuschents da Heinrich Schmid dal temp, cura ch’il rumantsch grischun è vegnì stgaffì. Ed el senta: Il professer da la Bassa ch’era in scheni da linguas, malgrà ch’el udiva mal, n’è betg emblidà ed el sveglia anc oz las emoziuns da quels che enconuschevan el.

video
Heinrich Schmid – Il bab dal rumantsch grischun
Or da Cuntrasts dals 24.04.2022.
laschar ir. Durada: 25 minutas 30 Secundas.

Paucs fastizs

Veronika Schmid-Bruppacher che viva anc, di sin la dumonda da pudair guardar fotografias da Heinrich Schmid:

Na! Nus n'avain mai fotografà!
Autur: Veronika Schmid-Bruppacher

Ed Anna-Alice Dazzi, ina anteriura studenta da Heinrich Schmid di:

El era ina persuna fitg modesta.
Autur: Anna-Alice Dazzi

Spualitg e modest era Heinrich Schmid pia. Tuttina, in pèr fotografias datti dal professer da Turitg:

RTR Cuntrasts 17:25

Artitgels legids il pli savens