Colliaziun cun Tirol ha influenzà la cretta a Samignun

La colliaziun tranter l'Engiadina e Samignun era en il 16avel tschientaner mo da stad bain accessibla. Vers il Tirol percunter era quai pussaivel da cursar meglier. Uschia ha il Tirol influenzà pli fitg la cretta a Samignun che l'Engiadina.

Vista sin la fracziun da Laret a Samignun Bild in Lightbox öffnen.

Legenda da maletgs: La fracziun da Laret a Samignun. mad, gemeindesamnaun.ch

Samignun ha adina gì ina stretga colliaziun cun il Tirol. La collavuraziun e l’amicizia funcziunavan bain. Quai betg mo pervi da la situaziun geografica. Blers da Samignun maridavan persunas tirolaisas.

Rumantsch ha patì - refurmads han grev

Causa la buna constellaziun tranter il Tirol e Samignun, ha la lingua rumantscha pers l’impurtanza. Adina dapliras persunas discurrivan la lingua tudestga.

Era Samignun aveva singuls Refurmads. Els avevan perfin in reverenda. Ma la situaziun finanziala en il 16avel tschientenar era nauscha: finanziar in agen reverenda era quasi nunpussaivel. Oz sa tracti tar la baselgia a Samignun d’ina baselgia paritetica, ina baselgia che omadus crettas dastgan duvrar.

RR actualitad 11:00