Ina legenda raquinta l’istorgia dal vitg da Müstair
Sco tut ils auters vitgs a era il vitg da Müstair gì da decider sch’els dessan restar catolics u betg. Ina votaziun dess manar la decisiun. Tut quels che restan da la vart dretga dal aual tras il vitg vulan restar catolics e quels che restan da la vart sanestra vulan vegnir refurmads. Pari era il resultat, ma in bab ha vis ses figl tranter ils pro-refurmads. El ha prendì ses figl, tratg sur l’aua nà ed uschia è restada la cretta catolica.
Quai è mo ina da differentas legendas da la refurmaziun en la Val Müstair. Ma segira che la calustra San Jon ha gì grond’influenza sin la cretta e che quella è restada catolica a Müstair.
Il lieu dal ospital – betg mo ina dispita politica
Dal 1931 a chaschun da la Mastralia ha la populaziun gì da votar a reguard il lieu dal ospital in Val Müstair. La maioritad da la populaziun ha decis per il lieu en vischinanza da Santa Maria e betg per il lieu en vischinanza da la claustra San Jon, ma i mancava la maioritad absoluta. Sin quai han ils da Müstair bandunà la festa da la Mastralia sut protest. Tar la segunda votaziun eran sulettamain 4 persunas per il lieu a Müstair. Uschia e vegnì fabritgà l’ospital a «Sielva» dasper Santa Maria.
RR actualitad 11:00