Pertge n'hai dà nagins maletgs sin la homepage da RTR?

Per il giubileum da 500 onns refurmaziun sa deditgescha RTR al moviment ch'ha cumenzà il 1517 tar la baselgia e la societad europeica – quai cun in'emna tematica. In fenomen da la refurmaziun è stà l'iconoclastica: Tut ils maletgs e las statuas da Cristus e sontgs èn vegnids scumandads.

logo Bild in Lightbox öffnen.

Legenda da maletgs: Allusiunond a l'iconoclastica refurmatorica ha la homepage da RTR mussà nagin purtrets. Quai cun chaschun da l'emna t... RTR

Sursiglir cuntegn supplementar

Iconoclastica

L’iconoclastica – l’uschè numnà «Bildersturm» - è stada in fenomen secundar da la refurmaziun il 16avel tschientaner. Sin cumond da teologs e dal magistrat da ductrina refurmatorica èn maletgs, sculpturas u er fanestras da las baselgias che mussan Cristus u sontgs vegnids allontanads – confiscà, vendì e per part destruì.

RTR sa focussescha quest'emna sin las consequenzas che la refurmaziun ha gì per il Grischun.

Daco ha la refurmaziun gì success en tschertas vischnancas e regiuns entant che autras èn restadas fidelas a la cretta veglia? Co hai pudì capitar ch’il Grischun sa separa per passa 400 onns en dus munds, en «in da messa» ed «in da predi»?

Durant quest’emna s’occupescha RTR era cun l’influenza directa da la refurmaziun per exempel sin la producziun litterara, la naschientscha dal pled scrit rumantsch e la scena d’art.

Punct principal da l’emna tematica dals 22 fin ils 29 d’october 2017 sin RTR èn ils films animads che vegnan emess mintgamai en l’emissiun Telesguard.

Program emna tematica: «Da crusch e cots – 500 onns refurmaziun»

Telesguard:

  • 23 – 27 d’october: 5 films animads cun schabetgs e legendas davart la refurmaziun en il Grischun

Radio Rumantsch:

  • 23 – 27 d’october, 11:00 ura tematica deditgada a la refurmaziun
  • 22 d’october, 19:00: la classica: cumponists dal temp da la refurmaziun
  • 28 d’october, 11:00: magazin da cultura: La refurmaziun ed ils maletgs