Siglir tar il cuntegn

Header

cuntegn

95avels Oscars «Everything Everywhere All at Once» gudogna set Oscars

A Hollywood èn vegnids surdads ils Oscars per la 95avla giada. La gronda victura da la saira è stada la cumedia da science fiction «Everything Everywhere All at Once». Il film da Daniel Kwan e Daniel Scheinert ha gudagnà gist set Oscars, tranter auter sco il meglier film e la meglra reschia.

L’Oscar per la meglra actura principala ha gudagnà Michelle Yeoh da la Malaisia . Ella è l'emprima Asiata insumma che gudogna in Oscar. L'Oscar per il meglier actur principal ha survegnì Brendan Fraser per sia prestaziun en il drama «The Whale». Sco meglier film internaziunal è vegnida undrada la producziun «Im Westen nichts Neues» dal reschissur tudestg Edward Berger. En tut ha ses film cunter la guerra gudagnà quatter premis.

Ils premis ils pli impurtants:

  • Meglier film: «Everything Everywhere All at Once»
  • Meglier film internaziunal: «Im Westen nichts Neues»
  • Reschia: Daniel Kwan e Daniel Scheinert («Everything Everywhere All at Once»)
  • Actura principala: Michelle Yeoh («Everything Everywhere All at Once»)
  • Actur principal: Brendan Fraser («The Whale»)
  • Actura secundara: Jamie Lee Curtis («Everything Everywhere All at Once»)
  • Actur secundar: Ke Huy Quan («Everything Everywhere All at Once»)
  • Camera: James Friend («Im Westens nichts Neues»)
  • Musica da film: Volker Bertelmann alias Hauschka («Im Westen nichts Neues»)

RTR novitads 07:00

Artitgels legids il pli savens