Passa set onns lavura Imelda Tuor en il center da senioras e seniors a Domat. Ella è spezialista dad activitad cun accent sin trenament dal tscharvè. Activaziun dal patratg na saja betg sulettamain far gieus, promover la motorica fina, l'udida e sensoris da palpar. Il program d'activaziun tutga tar las purschidas elementaras en «Casa Falveng» a Domat.
Il tscharvè na dovra betg paus, mabain stimulaziun per mantegnair alert l'uman.
Seser a maisa ensemen, far part da la gruppa e tschentar finamiras communablas dettia in sentiment d'unitad, cumpagnia e curturella augmenta il tschertgel social. Sco responsabla per l'activitad, giauda ella en ina situaziun confortabla, ella possia disponer da ses temp per passentar temps cun abitantas e abitants da la chasa e tgirar il contact. Per pudair restar professiunala e sa proteger stoppia ella dentant tegnair ina tscherta distanza. Ella sa che ses cussadents e sias cussadentas n'en betg per adina qua.
