Per l'emprima giada ha l'acziun da commemoraziun naziunala, a la quala sa participeschan 130 organisaziuns, era lieu a Cuira. En la baselgia da s. Martin vegnan legids ils nums da quels umens, da quellas dunnas e da quels uffants, ch'han pers lur vita sin la fugia da las gheras, la violenza e la miseria en lur patria.
La prelecziun dals nums cuzza 24 uras, da sonda, ils 19 da zercladur a las 11:00 enfin dumengia, ils 20 da zercladur a las 11:00.
Ils nums e las circumstanzas da la mort dals fugitivs vegnan era scrits sin bindels da taila e pendids vi da la fatschada da la baselgia da s. Martin. En la baselgia vegn alura celebrà in servetsch divin per las victimas da la Mar Mediterrana, dumengia a las 10:00, sco finiziun da l'acziun.
Vita e cretta discurra cun Monica Capelli dad Amnesty International Cuira, che fa part dal comité d'organisaziun da l'acziun «Beim Namen nennen» e cun il psicolog pensiunà Gion Duno Simeon, in dals voluntaris che prelegia ils nums dals fugitivs.
-
Bild 1 von 3. L'acziun «Beim Namen nennen» l'onn 2020 en la Heiliggeistkirche a Berna. Bildquelle: beimnamennennen.ch.
-
Bild 2 von 3. Ils nums e las circumstanzas da la mort dals fugitivs vegnan era scrits sin bindels da taila e pendids vi da la fatschada da la baselgia da s. Martin a Cuira. Bildquelle: beimnamennennen.ch.
-
Bild 3 von 3. Ils nums e las circumstanzas da la mort dals fugitivs vegnan era scrits sin bindels da taila e pendids vi da la fatschada da la baselgia da s. Martin a Cuira. Bildquelle: beimnamennennen.ch.
Links