Siglir tar il cuntegn

Header

video
Il Grischun per l’Ucraina – las stentas da gidar
Or da Cuntrasts dals 26.06.2022.
laschar ir. Durada: 26 minutas 16 Secundas.
cuntegn

Agid per fugitivs Grischun per l'Ucraina – las stentas da gidar

A Mustér èn 40 fugitivas e fugitivs daventads ina part da la famiglia da Simon Camartin. «Igl è in burdi lavur ch'ins na po prest betg s'imaginar». A Cuira tar Nadja Rosenberger vivan trais fugitivas. «Ils ospitants s'engaschan – la collavuraziun cun ils uffizis na funcziuna dentant betg bain.»

Liliya na habitescha betg tar privats, mabain en las structuras collectivas dal chantun. Il Donbass è sia patria – il center da transit a Laax è per Liliya schont quasi ses secund dachasa. Ses entir num na vul ella betg numnar, perquai che ses um è schuldà en la guerra. Liliya è fugida l'entschatta mars per salvar sia feglia Adelina.

I ma plascha fitg bain a Laax en il center da transit. Jau na poss dentant betg giudair quai, perquai che mia patria è en la guerra e mes um è là.
Autur: Liliya fugitiva dal Donbass
video
Fugitivs: Liliya en il Rustico a Laax raquinta da sia vita
Or da Telesguard dals 23.06.2022.
laschar ir. Durada: 3 minutas 27 Secundas.

Las stentas da las famiglias ospitantas

La gronda part da las fugitivas ed ils fugitivs na vivan dentant betg en las structuras dal chantun sco Liliya, mabain tar privats. A Mustér ha Simon Camartin survegnì la fin mars in telefon d'ina enconuschenta en l'Ucraina. Sch'el na possia betg prender si 10 dunnas cun lur 28 uffants. El ha ditg spontan gea.

D'in mument a l'auter essan mia dunna ed jau creschids d'ina famiglia da 2 ad ina da 40. Ed ussa portan ins la responsabladad.
Autur: Simon Camartin gidanter voluntari

El haja gì da morder pliras giadas. L'emprim cun chattar ina dimora per las fugitivas ed ils fugitivs, pli tard cun ils formular ed il mender sajan ils svanris persunals entaifer la gruppa. Malgrà tut la lavur - ch'el possia gidar, dettia satisfacziun. «Cura che quest burdi croda da mai, tir jau dentant era flad in tec pli lev flad.»

RTR Cuntrasts 17:25

Artitgels legids il pli savens