«L’emprima giada ch’jau hai udì rumantsch è stà a Prag a l’universitad. Quest linguatg ha plaschì uschè bain ch’jau hai decidì d’emprender el.» En ses onn da barat è ella perquai sa chasada a Genevra ed ha fatg là ses emprims curs da rumantsch. Che Andrea Sandova è la finala vegnida en Grischun è bunamain logic.
L’onn da barat universitar Prag – Genevra è stà per mai ina schanza da laschar mia veglia identitad temelitga davos mai e gughegiar chaussas.
Uss dat ella sezza curs da rumantsch per la Lia Rumantscha a Cuira, Laax e Glion. Dapi corona datti quels curs er online. Cun 22 onns è ella vegnida en Svizra. I saja stà sco da laschar enavos la persuna temelitga e gughegiar da prender enta maun la chaussa. En Svizra ha Andrea Sandova er chattà sia amur per differents sports. Uschia è ella l’enviern sin loipa e la stad va ella a currer e cun velo da cursa. Ir a muntogna è in ulteriur passatemp per ella che ha da far cun ses nov da chasa il Grischun.