El saja in uman da la natira, che chatta adina puspè recreaziun en quella. Sco directur da las Pendicularas Scuol Motta Naluns, porta Andri Poo er ina gronda responsabladad. Saja quai economicamain, ecologicamain ed er socialmain.
Jau m'engasch gugent per che nossa regiun restia natirala.
1 / 9
Legenda:
La natira e sa muventar en quella è ina gronda passiun da l'um da 49 onns.
Andri Poo
2 / 9
Legenda:
Las muntognas stattan fermamain a cor ad Andri Poo.
Andri Poo
3 / 9
Legenda:
Ir cun skis en tura è ina da las grondas passiuns dal Sentiner.
Andri Poo
4 / 9
Legenda:
Dapi il 2017 è l'Engiadinais directur da las Pencicularas Scuol.
Andri Poo
5 / 9
Legenda:
Adina puspè cumbinescha l'um sportiv ses temp liber cun in'excursiun en las muntognas.
Andri Poo
6 / 9
Legenda:
Andri Poo cun sia famiglia.
Andri Poo
7 / 9
Legenda:
La stad è il guid da muntogna adina puspè vid far turas e gitas.
Andri Poo
8 / 9
Legenda:
L'inschegnier da Sent è dapi il 2017 patrun da 150 persunas en la funcziun da directur da las Pendicularas Scuol.
Andri Poo
9 / 9
Legenda:
Il magister da skis patentà durant ina cursa da skis.
Andri Poo
L’um sportiv da Sent passenta ses temp liber sche pussibel adina faschond sport en la natira. La colliaziun cun quella sa tira sco in fil cotschen tras la vita dal magister da skis patentà e guid da muntogna. Andri Poo viva cun sia famiglia a Sent, nua ch’el è er creschì si. La patria saja adina stada l’Engiadina. Perquai ha el passentà durant il studi dad inschigner a Rapperswil mintga fin d’emna en patria. Furmà ed influenzà la vita dal Sentiner da 49 onns haja surtut sia lavur da svilup en l’Ecuador.
