Ils davos onns ha Angelika Overath publitgà differents romans, reportaschas ed era trais volums cun poesias. Dacurt è cumparida ina publicaziun tematica che tracta il giabus.
Deditgà ha l’autura da Sent il nov cudesch a ses schanugl. Quel na fa betg pli mal, dapi che Angelika Overath fa cumpressas e baiva suc da giabus.
En il cudesch vegnan descrittas las differentas sorts dal giabus, ch’ins enconuscha per part era tar nus, ma era sorts singularas, giabus che daventan fitg auts e che vesan ora sco palmas.
L’autura tradescha era ses recept preferì e quinta dal crut asch ch’ella fa cun giabus cotschen.
Angelika Overath, Krautwelten, Insel Bücherei 2021.