In viva digital per il 2022. Toni Poltera envida cun conferenzas da video ad in apero digital per l'onn nov. Uschia s'entaupan persunas ad ina baterlada lucca che na vegnissan probablamain betg ensemen tar in apero tradiziunal.
Discurrì vegn natiralmain er da finamiras per l'onn nov, fatg in sguard en las stailas ed in en las agendas e glistas «to-do» dals giasts.
Apero cun Anita Simeon e Roman Weishaupt
En l'emprim apero discurran la schefredactura dal magazin «Das ideale Heim» Anita Simeon ed il directur dal teater da Cuira, Roman Weishaupt, da lur ultim inscunter avant passa 20 onns e da lur sfidas e plaschairs en il mintga di.
Apero cun Sandra Brunner, Viola Cadruvi e Ernst Bromeis
En il segund apero vegn discurrì tranter auter dals elements aua, fieu, terra ed aria. I va per persvasiuns e visiuns, giavischs e tips.
Apero cun Wally Bäbi, Bianca Mayer, Urs Cadruvi ed Anton Capaul
En quel apero vegn discurri da Santorini, nozzas, senn da la vita, inscunters reals e creatività.