Siglir tar il cuntegn

Header

audio
Ruttadira inversa glarunaisa
Or da Marella dals 29.08.2022.
laschar ir. Durada: 49 minutas 36 Secundas.
cuntegn

Arena tectonica Sardona La muntogna sin il chau

Che la muntogna stat sin il chau è schabegià avant 10 fin 20 milliuns onns lunsch sut la surfatscha da la terra da lezza giada. E pervia da quai fenomen ves'ins er la lingia magica – la ruttadira inversa glarunaisa.

Avant 10 fin 20 milliuns è crappa ch’era 250 fin 300 milliuns onns veglia vegnida stuschada sin crappa bler pli giuvna, crappa da be 35 fin 50 milliuns onns.

Sardona è il punct nua ch’ils trais chantuns Grischun, Glaruna e Son Gagl vegnan ensemen.

Tar la furmaziun da las alps hai dà ina collisiun tranter la platta d’Europa ed il microcontinent Adria. Cun quella collisiun è la crappa vegnida smatgada ensemen. I ha dà faudas e ruttadiras. Parts da la crusta èn vegnidas smatgadas ensi. Oz ves’ins quai fenomen en la ruttadira inversa glarunaisa cun la «lingia magica», di Adrian Pfiffner ch’è stà l’iniziant dal patrimoni mundial da l’UNESCO.

La ruttadira inversa glarunaisa mussa ina lingia magica, ina lingia che va tras ils culms.
Autur: Adrian Pfiffner Geolog ed iniziant dal Patrimoni mundial da l'UNESCO

Che crappa veglia è sin crappa pli giuvna è insatge ch’ins vesa uschiglio praticamain nagliur.

En general vegn la cuntrada furmada da l’erosiun, da glatschers, da l’aura, dal clima, da terratrembels e da vulcans. Culms avain nus perquai che nus avain vals. E vals èn il resultat da l’erosiun. E quai ves’ins fitg bain cun la bova da Flem.

Bova da Flem

Avant 9'500 onns èsi vegnì chaud, 2,5°C pli chaud che ussa. Lura èn la bova da Tumein e ca. 50 onns pli tard la bova da Flem sa derschas en val. Avant las bovas era la Surselva ina val lada e platta plain aua cun in funs plat 500 meters sur mar. Ils Rains gievan sanester e dretg. I saja stà grev da passar tras las vals, di Adrian Pfiffner.

La bova da Flem era 11 kilometers cubics. 12 fin 13 gia il Matterhorn.

Quels 11 kilometers cubics èn fitg bler material, in’immensa energia ch’è ida a val, declera Adrian Pfiffner en la Marella. La bova da Flem è la pli gronda da las alps, cumplettescha Béatrice Buchenel che fa guidas en l’Arena tectonica Sardona. La crappa ha retegnì l’aua dal Rain uschia ch’i ha dà in lai – il lai da Glion – che gieva fin prest a Trun. L’aua ha lura cumenzà ad ir surora ed ha chattà sia via cun far slalom. Il Rain fa anc oz quest slalom.

video
Avant 9'500 onns: Bova da Flem
Or da RTR Social dals 29.08.2022.
laschar ir. Durada: 22 Secundas.
Restanzas da la bova da Flem han ins chattà perfin en il Lai da Constanza.
Autur: Béatrice Buchenel Fa guidas en l'Arena tectonica Sardona

La bova da Flem ha furmà enorm fitg la cuntrada da Flem. Saja quai ils lais, il sistem da carst, la Ruinaulta.

Suenter la bova era la cuntrada in desert.
Autur: Adrian Pfiffner Professer emerità da l'Universitad da Berna

Suenter la bova hai gì en la regiun da la Ruinaulta in pèr chatschadras e chatschaders. Purs na devi anc nagins. Il guaud grond da Flem è fitg bel pervia da la bova, manegia Adrian Piffner. Il pur na po gnanc chatschar chauras en quel. Uschia pon ins sin il pli chatschar turists atras sch’ins fa ina senda.

Lieus spezials

Avrir la box Serrar la box
  • Crap da Flem
  • Fil da Cassons
  • Fora da son Martin
  • Plaun Segnas sura
  • Plaun Segnas sut
  • Nagens, Bargis
  • Alp Mora
  • Lag la Cauma
  • Lag Tuleritg
  • Lag Prau Pulté
  • Lag la Cresta
  • Ruin’aulta
  • Guaud grond
audio
Arena tectonica Sardona: num
ord Actualitad dals 07.09.2022.
laschar ir. Durada: 3 minutas 13 Secundas.
audio
Arena tectonica Sardona: flora
ord Actualitad dals 07.09.2022.
laschar ir. Durada: 4 minutas 17 Secundas.
audio
Arena tectonica Sardona: Il Grischun en 100 onns
ord Actualitad dals 07.09.2022.
laschar ir. Durada: 5 minutas 7 Secundas.

RTR Marella 09:00

Artitgels legids il pli savens

Scrollar a sanestra Scrollar a dretga