Ils 5 e 6 da zercladur 2009 ha il chor viril da Tusaun organisà la Festa districtuala da chant per ils dus districts Alvra e Valragn-Moesa. En total èn 34 chors sa preschentads mintgamai en la baselgia catolica ed èn la baselgia refurmada da Tusaun. Legraivlamain èsi lura er gartegià a l'organisaziun d'includer en la festa da chant chors d'uffants e chors da scolars, uschia ch'i dat en l'emissiun sper ils chors virils, mischedads e da dunnar er da tadlar divers chors d'uffants e giuvenils.
L'Artg musical dat in schatg da las producziuns dals chors. Tuttas producziuns da questa festa da chant chattais sin il portal da RTR rtr.ch/playfestas là chattais era ulteriuras festas da chant ed er festas da musica dals ultims onns.
Pass per pass vegnan lura sin quest portal ulteriuras festas gia passadas fin enavos en ils onns 1980 cura che RTR ha cumenzà a far registraziuns da festas.
«Primavaira» en la musica classica
Ils dis vegnan pli lungs, las temperaturas pli chaudas, la natira cumenza danovamain a sa colurar cun in verd frestg e las fluras, chaglias e plantas sa desdan ord la sien d'enviern. Er l'uman senta mintgamai la primavaira, nova energia, nov plaschair e sentiments pli levs. Questa atmosfera ha adina puspè inspirà cumponistas e cumponists da scriver musica en favur da questa bella stagiun. En l'Artg musical datti intginas ovras, intginas forsa main enconuschentas sco per exempel il concert «Im Frühling» da Karl Goldmark.
In'interessanta istorgia datti er tar l'ovra «Vier letzte Lieder für Sopran und Orchester» da Richard Strauss. Quella ha Strauss cumponì il 1948 en Svizra, a Puntraschigna ed a Montreux. Igl è chanzuns da cumià e la primaudiziun è stada dus onns suenter la mort da Strauss.
Pli lunsch enavos è la sinfonia nr. 1 en B-Dur da Robert Schumann, la «Frühlingssinfonie». Quella ha el cumponì en temp da record, betg il davos perquai che sia muronza Clara ha finalmain ditg «gea» sin la dumonda da maridaglia.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.