Siglir tar il cuntegn

Header

audio
Chantai – chantez!
Or da Artg musical dals 06.02.2022. Maletg: RTR
laschar ir. Durada: 1 minuta 59 Secundas.
cuntegn

Artg musical Chantai – chantez!

L'emissiun communabla cun RTS tematisescha la relaziun tranter ils chors e las associaziuns da chant en Svizra ed il Grischun. En il studio èn er la formaziun da la Svizra franzosa «Singtonic» e la formaziun grischuna «incantanti». Vitiers datti bler chant da chors ord l'archiv da RTR.

La pandemia restrenscha il chant da chors, ma quai n'è nagin motiv da bittar la faultsch en chanvà. Chantai - chantez puspè, na laschai betg tiers che restricziuns e mascrinas sepuleschan voss plaschair da chantar. Cun quest emissiun vulain animar da betg dar si il chant e da tgirar quest prezius rom da nossa cultura.

Da la rolla da las associaziuns en general e durant il temp da pandemia discurrin nus cun Lucretia Bärtsch, la presidenta da l'Uniun chantunala da chant dal Grischun. Ella po era raquintar co l'uniun (federala e chantunala) po sustegnair e motivar ils chors. Nus vulain savair da Barbara Camichel, la presidenta dal district Engiadina, Bregaglia, Valle di Poschiavo e Val Müstair co che la situaziun actuala sa preschenta en ses district e co l'agid e sustegn funcziuna en las valladas.

Ils interprets en il studio

Igl è in'emissiun communabla cun RTS. Il moderatur Jean-Marc Richard ha envidà da la Svizra franzosa la furmaziun «Singtonic», in quartet dad umens (Thierry Dagon, Matthias Müller, Etienne Hersperger, Hans Frauchiger) e la pianista Véronique Piller che fan ina sort cabaret vocal. Dal Grischun è da la partida il chor da giuvenils «incantanti» e ses dirigent Christian Klucker. Quest onn po incantanti festivar ses anniversari da 20 onns.

Omaduas formaziuns han inaugurà il nov studio da RTR, la Studio Lounge, e quai betg mo accusticamain ma era visual. Nus avain fatg videos da las preschentaziuns da Singtonic ed Incantanti.

Plinavant a pled vegnan Christian Klucker, dirigent dad incantanti che ha fatg bleras experientschas cun emprovas virtualas (er main bunas) e Thierry Dagon, chantadur da la furmaziun Singtonic e commember da suprastanza da l'Uniun svizra da chors.

Las chanzuns en l'emissiun:

Artg musical 14:00

Artitgels legids il pli savens