Siglir tar il cuntegn

Header

audio
Chanzuns da Nadal da l'Europa da l'Ost
Or da Artg musical dals 19.12.2021.
laschar ir. Durada: 59 minutas 9 Secundas.
cuntegn

Artg musical EBU – chanzuns da Nadal da l'Ost

Per la quarta dumengia d'Advent hai tschernì chanzuns tradiziunalas ord l'ost ed il nord da l'Europa, chanzuns tradiziunalas cun furmaziuns tradiziunalas. En la segund'ura Artg musical datti lura in concert da Nadal dal chor e da l'orchester da la BBC inclusiv la chantadura Katie Melua.

En il rom dal project da musica populara per Nadal e Bumaun da la EBU, la European Broadcasting Union, mess ensemen chanzuns e melodias folcloristicas da totalmain 16 staziuns da radio ord 15 pajais europeics. La gronda part da las chanzuns derivan da l'Europa da l'ost. Cunquai ch'era RTR è commember da la EBU ha Radiotelevisiun Svizra Rumantscha er contribuì ina registraziun. Nus avain tscherni ina registraziun dal 2018, nua che il chor da la scola da musica da Cuira chanta en la baselgia sogn Martin la chanzun «Nadal» da Edgar Cantieni e text da Jon Guidon. Questa chanzun vegn a la fin da l'emprim ura. Avant pudais vus tedlar diversas chanzuns da Nadal ord pajais sco l'Estonia, Moldavia, Slovachia u Russia ed auters pajais. Chants a capella, en dus u trais persunas ma er chant da chors ed accumpagnads d'orchester.

Concert live dals BBC Singers&Concert Orchestra

Il december 2020 ha la BBC envidà a concert da Nadal en ses studio. Igl è stà suenter ina lunga pausa (causa la pandemia da corona) puspè ina giada in concert en ils studios da la BBC cun publicum. Il chor ed il orchester da la chasa da medias han chantà chanzuns tradiziunalas e novas da Nadal. Sco giast spezial era sin tribuna la chantadura prominenta Katie Melua.

Artg musical 14:00

Artitgels legids il pli savens

Scrollar a sanestra Scrollar a dretga