Siglir tar il cuntegn

Header

audio
Il barun e ses orgelet da bucca
Or da Artg musical dals 05.06.2022. Maletg: SRF
laschar ir. Durada: 1 minuta 2 Secundas.
cuntegn

Artg musical Il barun e ses orgelet da bucca

Toots Thielemans, ses pitschen instrument e ses tuns innovativs

El è naschì ils 29 d’avrigl dal 1922 a Brüssel sco Jean-Baptiste Frédéric Isidor, Baron Thielemans, però sco cumponist e musicist vegniva el numnà Toots. Cun trais onns ha el cumenzà a sunar l’orgelet da maun, pli tard ha el scuvert l’orgelet da bucca – e cun quest instrument ha el enritgì il jazz. Durant il studi da matematica ha el sunà en clubs da la schuldada americana e dal 1950 ha el pudì accumpagnar la Benny Goodman Allstar Band tar sia turnea tras l’Europa. Be dus onns pli tard è el emigrà en ils Stadis Unids, per far gronda carriera. Uschia è el stà commember dals Charlie Parker All Stars, han sunà cun Dizzy Gillespie, Ella Fitzgerald, Quincy Jones, Paul Simon, Billy Joel e cun ils stars brasilians Caetano Veloso  e Gilberto Gil. Er sco cumponist ha el gì grond success, cun ses toc Bluesette. En pli ha el era fatg musica da film e per serias da televisiun. Il 2014, cun 92 onns, è el sa retratg dal palc – ed es mort dus onns pli tard.

In um cun orgelet da bucca
Legenda: Toots Thielemans SRF

L’artg musical as propona in da ses concerts, registrà il 1995 al Jazzkaar Festiva en Estonia. Vus udis ses grond hit Bluesette, però er tocs sco: Bye, Bye, Blackbird da Ray Henderson ed il one note Samba da Antonio Carlos Jobim.

RTR Artg musical 15:00

Artitgels legids il pli savens