En la segunda part dal Artg udis in concert dal chor viril Ligia Grischa, accumpagnà da la Südwestdeutsche Philharmonie da Constanza, las solistas Letizia Scherrer e Maria Riccarda Wesseling e dal solist Alvin Muoth. Dirigent Gion Giusep Derungs.
La baselgia claustrala a Mustér: Là è sta ils 28 da matg 1995 in concert che ha procurà per blera attenziun. Registrà quest concert aveva l’anteriur producent da musica dad RTR, Giusep Giuanin Decurtins, ed el aveva descrit quel sco legendar. Pervi da l’atmosfera ed er pervi dad interpretas ed interprets, per buna part rumantschas e rumantschs.
Ils protagonists: il chor viril Ligia Grischa – cun accumpagnament da la Südwestdeutsche Philharmonie da Constanza, da las solistas Letizia Scherrer e Maria Riccarda Wesseling e dal solist Alvin Muoth. Els ed ellas han preschentà ovras da Wolfgang Amadeus Mozart, e «Fidonza» dal cumponist lumnezian Gion Giusep Derungs che po festegiar bainbaud ses 90avel.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.