L'onn da musica 2021 è stà signà sco bia auter da la pandemia. Pliras registraziuns planisadas n'avain nus da RTR stuì spustar u stritgar – perquai che las uniuns, societads da musica, chors etc.n'han betg pudì far las emprovas necessarias u ch’ils concerts u las festas n'han betg pudì vegnir realisadas.
Tuttina avain nus pudì far intginas registraziuns uschia ch'il bus da RTR è stà pliras giadas en acziun durant l'onn passà. Las registraziuns da RTR faschain nus per il solit cun noss bus e noss dus technichers cun ureglias finas Gioni Alig ed Andrin Kienz. Cura ch'i dat termins dubels engaschain nus era ulteriurs studios da tun mobils. Uschia èn l'onn passà Toni Lanz e Pierre Bendel er stads involvids en tschertas registraziuns. Ils responsabels per la producziun èn stads Giusep Giuanin Decurtins (fin zercladur), Hugo Schär (davent il fanadur) e Flavio Tuor, il schef da la redacziun da musica.
In schatg da nossas registraziuns dal 2021 preschentain a vus durant duas uras Artg musical. Tranter auter èn d'udir primaudiziuns («Unleashing The Force»), concerts da giubileums (BB Cazis), concerts live (p. ex. Stubete am See a Segl; Artg en memoria da Duri Sialm e Flurin Camathias a Mustér; Sonda lunga ord l'archiv statal). Lura avain era gì ina premiera sin las undas da RTR. Per l'emprima giada avain registrà il concert dal JUSI, l'Orchester sinfonic da giuvenils Grischun.
Ils titels da l'emissiun, part 1 (14:00 uras):
Ils titels da l'emissiun, part 2 (15:00 uras):
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.