Nus prendain in'ureglia plaina da chanzuns e cumposiziuns da chors d'uffants e giuventetgna, chors maschadads, chors da dunnas e chors virils ord tuttas valladas. Er trais musicas èn da la partida. Igl è tut registraziuns dals ultims onns che RTR ha fatg a chaschun da festas chantunalas e districtualas da chant e musica. Tut quellas e bleras autras registraziuns èn er d'udir sin nossa plattafurma Play Festas.
Swiss Open Contest 2021
En l'emprima ura dal Artg musical avain purtà in schatg da la concurrenza da Brass Bands, Swiss Open Contest en il KKL a Lucerna. Nus essan sa focusà sin ils dus Rumantschs Duri Cathomen (principal-cornet da la BML) e sin Corsin Tuor, dirigent da la BBO. L'emna passada avain preschentà in'emprim schatg dal Swiss Open. En PlayRTR pudais vus tadlar l'Instrumentala dals 29-09-2021 nua che nus avain preschentà ils victurs.
