Siglir tar il cuntegn

Header

audio
Polcas plain schlantsch e plaschair
Or da Artg musical dals 13.02.2022.
laschar ir. Durada: 58 minutas 19 Secundas.
cuntegn

Artg musical Polkariert

Dapi 11 onns exista la Power Polka Band (chantun Soloturn) e l'atun è cumparida ses emprim disc cumpact, in vair plaschair d'udir l'entusiassem ed il gust da las 10 musicantas e musicants da sunar polca. – En la segund'ura datti lura musica per orchesters d'instruments a flad da cumponists svizzers.

La stad 2009 èn bleras giuvnas e blers giuvens dal chantun Soloturn s'inscutrads en in champ da musica da brass. Duront in’emna han els exercità e preparà in concert. Malgrà lungas emprovas e litteratura pretensiusa s'entupavan intgins dad els la saira ad ina runda da polca. Envidà da propi il fieu per polca haja la tubista Regula Bitterli, ina giuvna dunna plain energia ed in immens plaschair vid polcas. Durant quella emna da champ haja ella infectà tuts cun la fevra da polca, scriva la Power Polka Band sin sia pagina d’internet.

Cu la truppa ha lura suenter il concert dal champ da brass anc sunà tut spontan polcas en il foyer da la sala è quai stà la naschientscha da la formaziun. Bunas musicantas e buns musicants da Brass Band che sunan polca sin aut nivel musical, cun grond gust ed ina virtuositad enorma.

Da Balissat, Benz e Jaeggi ...

Orchesters d'instruments a flad han en la Svizra ina lunga tradiziun. Da las bun 1'900 societads da musica en l'entir pajais sunan radund 1'400 en formaziuns d'armonia u instruments a flad. Ina tala quantitad motivescha natiralmain er ils cumponists svizzers da scriver litteratura per quest gener da musica. In dals gronds cumponists da tala musica è Stephan Jaeggi (1903 - 1957). En sia memoria datti mintg'onn la distincziun «premi Stephan Jaeggi» che vegn surdada a persunas ch'èn sa fatgas meritaivlas per la musica instrumentala svizra. Dentant er Albert Benz (1927 - 1988) u Jean Balissat (1936 - 2012) tutgan tar la crème de la crème da cumponists svizzers per orchester d'instruments a flad. En lur cumposiziuns vivan els vinavant.

audio
Orchesters d'instruments a flad sunan cumposiziuns svizras
ord Artg musical dals 13.02.2022.
laschar ir. Durada: 1 minuta 4 Secundas.

... fin Cesarini, Muoth e Waespi

Natiralmain na ston las musicas instrumentalas betg sunar be ovras da cumponists gia mort. Er la generaziun pli giuvna da cumponists svizzers è creativa e sa lascha adina puspè inspirar da scriver novas cumposiziuns. Per dar in' invista en la lavur cumpositorica da questa generaziun datti en l'Artg musical ovras da Franco Cesarini (*1961), Alvin Muoth (*1965), Gilbert Tinner (*1965) ed Oliver Waespi (*1971).

Artg musical 14:00

Artitgels legids il pli savens

Scrollar a sanestra Scrollar a dretga