Dals 15 fin il 17 da zercladur 2007 ha la Societad da musica Scuol organisà la 26avla Festa chantunala da musica. Durant trais dis èn 46 societads da musica dal Grischun e 17 societads ord il rest da la Svizra sa participadas a la festa cun zonas da silenzi en sala communala (Brass band) ed en halla da gimnastica (armonia). Cunquai che Scuol ha pudì nizzegiar la halla da glatsch a Gurlaina n'hai betg duvrà ina tenda.
RTR ha registrà tuttas producziuns da las musicas grischunas ed uss publitgà questas sin il portal PlayFestas. Là datti er da tadlar ulteriuras otg festas da musica sco er 10 festas da chant. Pass per pass publitgescha RTR lura era autras anteriuras festas da musica e da chant fin enavos en ils onns 1980 cura che RTR ha cumenzà a registrar las festas.
En l'emissiun datti ina schelta da las producziuns. Igl èn quai ils tocs da pensum da las differentas categorias che las musicas han stuì preparar per la festa. D'udir èn las societads da musica d'Ardez, Lantsch, Sagogn, Poschiavo, Zezras, Vaz/Lai e la musica da la citad da Cuira.
Ulteriuras festas da musica ed er da chant chattais sin www.rtr.ch/playfestas
Il portal crescha pass per pass, da curt avain publitgà sper la festa a Scuol 2007 er la Festa districtuala da chant a Tusaun 2009 (district Alvra e Valragn-Moesa), la Festa da chant ceciliana a Mustér 2008 e la Festa districtuala da chant a Domat 2007 (district Surselva).
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.