La fin d’emna passada è l’artist engiadinais Otmar Derungs (*1953) mort a Strada.
Ses purtrets èn bain enconuschents, en spezial en Engiadina. Ses motiv classic eran plantas dus-dimensiunalas cun las ragischs bain visiblas ed implants sin ina surfatscha blau-verdenta davant in precipizi. E tranter la roma da las plantas eran per solit zuppads in u dus animals pers en la vastezza: in uors, dus pinguins, dus splerins u dus peschs. Otmar Derungs picturava en ieli e cun stritg da penel fin e precis. Sia ovras ha el pudì exponer en tut la Svizra ed en il Tirol. Er diversas chasas en Engiadina ed en Val Müstair ha el decorà cun sia pictura.
Otmar Derungs è creschì si a Ftan. Suenter ina manada a Turitg, nua ch’el ha emprendì da postin, è el turnà avant passa 40 onns en Engiadina Bassa – en ina chasa engiadinaisa a Strada – per lavurar là artisticamain. L’emprim leva el restar be in onn, sco ch’el ha tradì en la revista «Allegra» l’onn 2021. Ma lura è el restà per dal bun, ha picturà, fatg musica, è ì a chatscha ed a pestga ed ha vivì sia vita d’artist a Strada.
Or da l'archiv:
