Far viadi cun in ballun d'aria chauda è patgific. Il vent decida la direcziun e la spertadad. Perquai èsi adina puspè da tschertgar il dretg vent. Be pacs meters pli ensi u pli engiu po il vent suflar levet dad in’autra direcziun.
Cun quels vents pudain nus manar il ballun nua che nus vulain.
Il principi daco ch’il ballun sgola u va ensi è ch'aria chauda smatga davent aria fraida. L’aria chauda è pachetada en il ballun, di Samuel Juon. L’aria fraida è or d’enturn. Quai è il medem effect sco tar in bastiment en l’aua. Lez ha endadens aria che smatga davent l’aua e cunquai stat el sin l’aua. Ils aviuns sgolan pervia da l’erodinamica.
-
audioDaniel Ganz – l'emprim sgol da Flem ha duvrà helicopter09:17 min, ord Marella dals 05.03.2023. Maletg: RTRlaschar ir. Durada: 9 minutas 17 Secundas. -
audioNicole Vogel – la pilota04:55 min, ord Marella dals 05.03.2023. Maletg: RTRlaschar ir. Durada: 4 minutas 55 Secundas.
Mo il tudestg di «Ballon fahren», tut las autras linguas din «sgular».
Cun laschar sfradentar il ballun vegn il ballun automaticamain engiu. Il pli grev è da chattar in plaz nua che nus pudain vegnir giu sin terra. Privels pon esser lingias electricas, guaud e chaglias, bajetgs e vias.
