-
Bild 1 von 8. Auditur attent. Era Remo Weishaupt ha pudì profitar da l'emprova da chant da sia collega Flavia Walder. Bildquelle: RTR, Alice Bertogg.
-
Bild 2 von 8. Tut cumenza cun fruschar mauns. Avant che unscher la vusch, vegnan fruschads ils mauns. Era quai auda tar il chantar en. Bildquelle: RTR, Alice Bertogg.
-
Bild 3 von 8. Trair fils u spaghettis. Manar il tun cun trair fils u spaghettis. Las chantaduras dal Chor maschadà grischun Turitg sa participeschan cun engaschi cumplain als exercizis da Flavia. Bildquelle: RTR, Alice Bertogg.
-
Bild 4 von 8. Gizzar las ureglias. Era las ureglias ston esser prontas per pudair chantar bain. Bildquelle: RTR, Alice Bertogg.
-
Bild 5 von 8. Cun mel dal Grischun chant'ins pli tgunsch. Per far in bel legato èsi da stritgar in pau mel grischun sin il paun. Bildquelle: RTR, Alice Bertogg.
-
Bild 6 von 8. Era il dirigent sa participescha. Remo Weishaupt sa participescha era als exercizis da chantar en. Bildquelle: RTR, Alice Bertogg.
-
Bild 7 von 8. Chanzun finala per la dirigenta ospitanta. A la fin ha il Chor maschadà grischun Turitg chantà per Flavia Walder ina chanzun vallesana. Bildquelle: RTR, Alice Bertogg.
-
Bild 8 von 8. Ils dus dirigents da l'emprim BarattaChor. Flavia Walder e Remo Weishaupt èn satisfatgs da BarattaChor. Bildquelle: RTR, Alice Bertogg.
Ils 12-12-2017 fa Remo Weishaupt il proxim appel per barattar cun in auter dirigent u in’autra dirigenta per in’emprova il chor. Quest barat vegn ad avair lieu il schaner 2018.
Annunzias a partir dals 12-12 fin ils 25-12 cun il formular sin rtr.ch.
Remo Weishaupt dirigia dapi 21 onns il Chor maschadà grischun Turitg. El haja pudì profitar da guardar co Flavia lavura cun il chor. Ed el haja gì plaschair da vesair quant focussà che ses chor haja lavurà cun la dirigenta da barat. Magari fetschia quai bain d’udir il medem cun auters pleds e dad in’autra persuna, manegia Remo Weishaupt. Tut tenor il motto: «Scua nova, scua bain».
Buna disciplina era a Turitg
Remo Weishaupt aveva ludà a Sevgein la buna disciplina dal chor da Flavia Walder. Cun sentiments maschadads è ella lura ida a l’emprova a Turitg. Là ha ella constatà ch'era il chor da Remo lavura fitg conscienzius e focussà. Remo Weishaupt ha declerà la situaziun ed è s’exculpà tar ses chor.
Jeu n’avevel betg manegià a Sevgein che mes chor na saja betg disciplinà, ma là er'jau enorm surstà con focussada che la concentraziun era. Forsa hai jau duvrà ils pleds fallads e ma stoss perstgisar tar mes chor.
Flavia ed il Chor maschadà grischun Turitg
Il Chor maschadà grischun Turitg n’è betg dal tut in chor nunenconuschent per Flavia Walder. Cura che Remo Weishaupt ha gì surpiglià il chor ils onns 90 ha Flavia chantà l’emprima giada ina part solista en collavuraziun cun il chor. Ella aveva lura 14 onns. E gia ses geniturs e sias ondas han chantà en il Chor maschadà grischun Turitg.
R8R actualitad 11:00