En stiva da Beat Manetsch savura quai da terpentin. Dapi sia pensiun sa deditgescha l'um da televisiun a la pictura. El returna uschia tar sias ragischs, la scola d'art ch'el ha frequentà a Basilea. Quella scolaziun saja stada la meglra preparaziun per far televisiun – quai è numnadamain quai che Beat Manetsch ha fatg durant bunamain 40 onns.
Ina vita en fotografias
1 / 12
Legenda:
La fascinaziun per objects che sgolan
Gia d'uffant ha fascinà a Beat Manetsch tut quai che sgola. Sch'el fiss in animal, alura in tschess, di el da sasez.
MAD
2 / 12
Legenda:
Trais Muschkitos
Uschia guardava or il team da coc da l'emissiun Muschkito l'onn 1992: Beat Manetsch, Claudia Knapp e Gieri Venzin.
MAD
3 / 12
Legenda:
Per las vias cun la camera
L'onn 1993 ha creà Beat Manetsch il concept «Per las vias cun la camera». Qua il team da l'emissiun da Curaglia cun Gion Tschuor, Claudia Knapp, Flavia Bearth e, cler, Beat Manetsch.
MAD
4 / 12
Legenda:
Cun ils collegas a Turitg l'onn 1995
Tar SRF ha lavurà Beat Manetsch en la partiziun «cultura populara». L'emissiun Landuf Landab vegneva moderada da Mariano Tschuor (sanester) e Beat Antenen (entamez). Beat Manetsch era il redactur.
MAD
5 / 12
Legenda:
Polaroid cun famiglia
Daventar bab, ina gronda fortuna per Beat Manetsch. L'onn 1999 nascha il figl Andriu.
MAD
6 / 12
Legenda:
Ina reportascha ch'ha fatg grond'impressiun
L'onn 2002 filmescha Beat Manetsch la scargada en l'Appenzell. Cura ch'ils purs cumenzan a chantar spontanamain, culan las larmas.
MAD
7 / 12
Legenda:
L'influenza dals geniturs sin ils uffants – 1972
Il bab da Beat Manetsch ha sunà blers decennis la trumba. Uschia ha gì Beat Manetsch davent da l'entschatta in bun sentiment per la lavur per il Tattoo Basel.
MAD
8 / 12
Legenda:
2017 – Beat Manetsch cun Major da tamburs
Finalmain vegnan ils tamburs e fifers dal president da l'America al Tattoo da Basilea.
MAD
9 / 12
Legenda:
Beat Manetsch en sia arena
Beat Manetsch sin in selfie l'onn 2019 en l'arena dal Tattoo Basilea – quai era l'ultim onn ch'el ha producì questa «chista gronda» per SRF.
MAD
10 / 12
Legenda:
Concentraziun e tensiun totala
Beat Mantesch en il «Übertragungswagen» durant las davosas uras dal davos Tattoo a Basilea.
MAD
11 / 12
Legenda:
Bainbaud temp per ir en pensiun
La fin da fanadur l'onn 2019 ha Beat Manetsch serrà per la davosa giada la porta da la reschia al Tattoo da Basilea – el è lura returnà a Cuira tar RTR, avant che ir en pensiun l'entschatta da quest onn.
MAD
12 / 12
Legenda:
Passiun per il penel
Beat Manetsch tegna enta maun in purtret d'Alois Carigiet – dissegnà da Manetsch sez. Davos ses chau vesan ins er ina cuntrada dissegnada da Beat Manetsch.
Anna Serarda Campell
Cun sia fatscha innocenta, ha el fatg ir si per las paraids ils politichers grischuns durant ses temp tar l'emissiun satirica «Muschkito», durant ils onns 90. Tar la partiziun da la cultura populara a Turitg tar SRF, ha el bainbaud purtà titels sco «Mister Fasnacht» e «Mister Tattoo» ed era responsabel per las «grondas chistas».
In culp dal tscharvè ha finì la carriera tar la televisiun pli baud che pensà – ma Beat Manetsch ha plans da la creaziun d'ina applicaziun fin tar in viadi senza destinaziun. En quest profil recapitulain nus a chaschun da sia pensiun sias aventuras tar la televisiun e discutain davart sia passiun per dronas, colur d'ieli e la garda americana.
RTR Profil 09:00
Dapli dal tema
laschar ir Audio 'Jau enconusch l’America da l’autra vart da l'American Dream'
ord 'Profil' dals 30.10.2021, 09:03 (link tar l'emissiun)
Jau enconusch l’America da l’autra vart da l'American Dream
Profil(Link tar la emissiun) a las 30.10.2021, 09:03
laschar ir Audio 'Margarita Gaudenz: «Tschintg dis n’hai jau betg survegnì da mangiar»'
ord 'Profil' dals 10.04.2021, 09:03 (link tar l'emissiun)
Margarita Gaudenz: «Tschintg dis n’hai jau betg survegnì da mangiar»
Profil(Link tar la emissiun) a las 10.04.2021, 09:03
