David, Laura und Léo. Quai è ils protagonists da la seria web «Bipeds» ch'è vegnida producida da la RTS en la Svizra franzosa. Trais persunas giuvnas che sa movan en lur ambient natiral e dumognan il mintgadi. E nus als observain:
- il cumportament durant il temp da chalira tar ina party en la cuminanza d'abitar
- la scuidanza da nutriment ed il cumbat da reparter las victualias da la frestgera
- ils cumbats cun defender il territori, sco per exempel il bogn
- la marusaglia ed auters rituals e cumportament che paran enconuschents a las aspectaturas ed als aspectaturs.
Dapli uman? U dapli animal?
Èn David, Laura e Léo dapli animal che uman? U tuttina dapli uman che animal? La seria web confruntescha da moda spiertusa cun la dumonda, sche e nua ch'il cunfin tranter animal e "homo sapiens" è, ubain sa perda. Ina resposta finala na dat la seria bain betg; ella garantescha però plaschair animalic e bun divertiment.
Cura e nua?
Da vesair è la seria web sin las paginas d'internet dad tut las unitads d'interpresa da la SSR SRG a partir dals 8 da november 2015:
- «Bipeds», Radiotelevisiun Svizra Rumantscha (RTR): www.rtr.ch/bipeds
- «Bipèdes», Radio Télévision Suisse (RTS): www.rts.ch/bipedes
- «Bipedi», Radiotelevisione svizzera (RSI): www.rsi.ch/bipedi
- «Zweibeiner», Schweizer Radio und Fernsehen (SRF): www.srf.ch/zweibeiner