Siglir tar il cuntegn

Header

video
In schatg da la seria web «Bipeds»
Or da RTR dals 04.11.2015.
laschar ir
cuntegn

Bipeds «L'uman è in animal sco auters er»

Nua è l'animal en tai? Quai è la dumonda centrala da la nova seria web umoristica da RTS. En il center èn 3 creschids giuvens, che vegnan observads en lur ambient natiral. Quai en la tradiziun d'ina documentaziun sur d'animals, però adina cun ina tschegnada.

David, Laura und Léo. Quai è ils protagonists da la seria web «Bipeds» ch'è vegnida producida da la RTS en la Svizra franzosa. Trais persunas giuvnas che sa movan en lur ambient natiral e dumognan il mintgadi. E nus als observain:

  • il cumportament durant il temp da chalira tar ina party en la cuminanza d'abitar
  • la scuidanza da nutriment ed il cumbat da reparter las victualias da la frestgera
  • ils cumbats cun defender il territori, sco per exempel il bogn
  • la marusaglia ed auters rituals e cumportament che paran enconuschents a las aspectaturas ed als aspectaturs.

Dapli uman? U dapli animal?

Èn David, Laura e Léo dapli animal che uman? U tuttina dapli uman che animal? La seria web confruntescha da moda spiertusa cun la dumonda, sche e nua ch'il cunfin tranter animal e "homo sapiens" è, ubain sa perda. Ina resposta finala na dat la seria bain betg; ella garantescha però plaschair animalic e bun divertiment.

Cura e nua?

Da vesair è la seria web sin las paginas d'internet dad tut las unitads d'interpresa da la SSR SRG a partir dals 8 da november 2015:

Artitgels legids il pli savens

Scrollar a sanestra Scrollar a dretga