In «Ruck» stoppia ir tras la Svizra. Cun quests pleds ha la cussegliera federala Simonetta Sommaruga gì proclamà avant bunamain precis in onn la situaziun extraordinaria per l’entira Svizra. La consequenza: Restaurants, butias, indrizs da divertiment e da sport han serrà las portas, las scolas eran vidas, l‘armada è vegnida mobilisada ed ils cunfins serrads. Dapi lu ha il coronavirus midà bler. Areguard la lavur, ma era en la vita privata, la moda e maniera co nus communitgain, la politica. E la crisa n‘è anc betg dumagnada.
-
Bild 1 von 8. «Quai che nus avain adina empruvà è dad esser sincer, da dir quai ch'ins po dir, e da betg far empermischuns faussas.» – Annetta Bundi, la scheffa da medias da la cussegliera federala Simonetta Sommaruga. Bildquelle: Adrian Camartin.
-
Bild 2 von 8. Adina datiers da la scheffa – Annetta Bundi accumpogna la cussegliera federala Simonetta Sommaruga ad ina conferenza da pressa en il Center da medias. Bildquelle: Keystone.
-
Bild 3 von 8. «Nus n'essan forsa betg relevants per il sistem, mo segir relevants per la vita!" – l'assistenta parochiala da la plaiv da Glion, Flurina Cavegn-Tomaschett. Bildquelle: RTR, Adrian Camartin.
-
Bild 4 von 8. «Da survegnir l'emprim uffant durant la pandemia è sta collià cun bleras malsegirezzas. Las reglas en ils ospitals sa midavan adina puspè. Finalmain essans cuntents che era il bab ha pudì esser tiers tar la naschientscha.» - Céline Caduff cun ses empim uffant Elina. Bildquelle: Céline Caduff.
-
Bild 5 von 8. «I era betg adina simpel dad esser suletta a la sonografia. Ins sa mai che novas ch'ins survegn. Pervi da corona na pudeva il bab betg esser tiers» - Sarah Ennemoser. Bildquelle: Sarah Ennemoser.
-
Bild 6 von 8. «I fiss endretg sche questas ustarias che han prendì mesiras pudessan puspè avrir.» – Il viticultur da Zezras, Renzo Hendry. Bildquelle: RTR, Adrian Camartin.
-
Bild 7 von 8. Coordinaziun a distanza – Fabia Caduff en il Center da medias a Berna, Adrian Camartin en ses homeoffice a Cuira. Bildquelle: RTR, Fabia Caduff.
-
Bild 8 von 8. Prest persul sin l'autostrada vers Berna – Enstagl d'infurmaziuns davart la situaziun dal traffic admoniziuns dal Cussegl federal. Bildquelle: RTR, Adrian Camartin.
En ina episoda speziala dal podcast Café federal dattan Fabia Caduff ed Adrian Camartin in sguard persunal sin quest onn turbulent. La correspundenta ed il correspundent da RTR a Berna han visità persunas che han sentì las consequenzas da las decisiuns. Il viticultur, l’assistenta pastorala, la dunna en speranza e la mamma cun l’uffant nov naschì – sco era Annetta Bundi. La scheffa da medias da la cussegliera federala Simonetta Sommaruga ha discurrì davart la difficultad da chattar ils pleds gists per sa drizzar a la naziun en ina situaziun difficila.