Uniformas e servetschs
-
Bild 1 von 6. Papa Francestg e Carlo Pfister. Passa 11 onns ha Carlo Pfister servì e protegì il Papa. Bildquelle: Carlo Pfister.
-
Bild 2 von 6. «Ins sa senta da chasa là, nua ch'ins è creschì si». Carlo Pfister fa mintga emna il viadi a chasa tar ses bab. Bildquelle: RTR.
-
Bild 3 von 6. Carlo Pfister en servetsch sco salter federal. Tar ses pensum sco salter tutga era da purtar las fluras per giasts en Chasa federala. Bildquelle: Carlo Pfister.
-
Bild 4 von 6. Mantè lung, guants alvs e chapè. Carlo Pfister tar ina entrada laterala da la Chasa federala. Bildquelle: Carlo Pfister.
-
Bild 5 von 6. «Jau hai plaschair da mia lavur». Dapi ils 2 da matg 2022 tutga Carlo Pfister tar la squadra da salteras e salters en Chasa federala a Berna. Bildquelle: Carlo Pfister .
-
Bild 6 von 6. Da chasa en Chasa federala. Bajetgs imposants fascineschan Carlo Pfister, ma el resta era fidaivels a ses vitg nativ Schlans. Bildquelle: Carlo Pfister.
Carlo Pfister è dapi prest dus onns salter federal ed assistent dal chancelier federal Viktor Rossi. La via professiunala da l’um da 40 onns ha cumenzà en cuschina. Suenter la scola da recrut e la scola da schef da cuschina tar l’armada ha el decis da procurar per ina buna cuschina tar las truppas da la Swisscoy en il Cosovo. A quatter contingents ha el servì sco capo cuschinier. Sia ferma cardientscha en Dieu, ma era ses grond interess per la scolaziun da gardist han manà Carlo Pfister cun 27 onns en la citad dal Vatican. Passa 11 onns ha el servì al parsura da la Baselgia catolica e pudì accumpagnar el sin viadis en plirs pajais.
Quest lung temp en servetsch dal papa è mussament ch'jau hai fatg gugent mia lavur. Quai è stà in'experientscha per la vita.
Per numerusas turistas e turists da la Surselva è el stà guid ed organisatur da segiurns a Roma. Fin l'avrigl 2022, cun passa 39 onns ha el surdà l'unifurma da gardist en il Vatican a Roma e barattà quella cun l'unifurma da salter federal en Chasa federala a Berna.