La pressa rumantscha scritta è en la crisa. Surtut a la gasetta interrumantscha La Quotidiana mancan lecturs, inserents e raps. Perquai installescha la Lia Rumantscha ina gruppa da lavur che studegia e studegia durant passa in onn. Finalmain, l’october 2018 preschenta quel think-tank rumantsch ils resultats da ses pre-studi. La quintessenza: Laschar tut sco fin qua, simplamain cun dumandar dapli raps da la Confederaziun. Pelvair, in concept fitg empermettent.