Siglir tar il cuntegn

Header

Rezept für ein Weihnachtdesser: Mini-Schokoladen-Gugelhupf
Legenda: RTR
cuntegn

Chalender d'advent – porta 10 Butschellinas tudestgas – pitschens «Gugelhupfs»

Miam e davent! In dessert uschè pitschen ch'el po cun ina giada en bucca... Ed il meglier: in segund ubain in terz ha franc era anc plazza.

20 butschellinas tudestgas cun in diameter da ca. 4 cm (Mini-Gugelhupf)
temp da preparaziun: ca. 20 minutas

Ingredienzas

  • 60 g farina
  • 1 tschadun pitschen pulvra da cacau
  • 1/2 tschadun pitschen pulvra da levon
  • 25 g cuvertura dultschamara
  • 50 g paintg lom
  • 40 g zutger
  • 1 ov (temperatura da stanza)
  • 2 tschaduns gronds latg

Decoraziun

  • 100 g pulvra da zutger
  • 2 tschaduns gronds suc da citronas
  • 100 g cuvertura dultschamara
  • tgiradents 
Rezept für ein Weihnachtdesser: Mini-Schokoladen-Gugelhupf
Legenda: RTR

Tip

Avrir la box Serrar la box

Lavar la furma da silicon e betg la sientar avant l'emplenir cun la pasta. Uschia vegnan las butschellinas cotgas meglier or da la furma. Far attenziun ch'i na dettia naginas vaschiettas d'aria cun emplenir la pasta en la furma. Las butschellinas han in diameter da ca. 4 cm.

Preparaziun

  • Prestgaudar il furnel sin 180 grads (chalira da sura e da sut).
  • Maschadar la farina, la pulvra da cacau e la pulvra da levon en ina cuppa.
  • Manizzar levet 125 g cuvertura dultschamara per la pasta e la decoraziun e la luentar a temperatura bassa en in bogn-maria.
  • Sbatter a stgima ca. 2 minutas il paintg, il zutger e l'ov.
  • Cuntinuar a truschar levet la massa ed agiuntar tschadun per tschadun la maschaida da farina.
  • Agiuntar precautamain 25 g da la cuvertura luada, elavurar ils ulteriurs 100 g cuvertura uschespert che las butschellinas èn en furnel.
  • Emplenir la pasta cun agid d'in tschadun u d'in satget da squittar en la furma da silicon e far coier las butschellinas 15 minutas en il furnel cun chalira da sura e da sut.
  • Dar ils ulteriurs 100 g da la cuvertura luada en in satget da squittar cun ina bucchetta fitg fina. Sprizzar stailas u pigns sur ils pizs dals tgiradents.
  • Laschar sfradentar dal tuttafatg las butschellinas e silsuenter las prender precautamain or da la furma.
  • Maschadar la pulvra da zutger cun il suc da citronas e reparter sin las butschellinas.
  • Las laschar sfradentar e per finir fitgar las stailas/ils pigns da cuvertura en las butschellinas.

Artitgels legids il pli savens

Scrollar a sanestra Scrollar a dretga