Nossa cuschina - Porta 11: Crustins cun gorgonzola e pair

Legenda: Crustins cun gorgonzola e pair RTR

12 crustins
temp da preparaziun: 25 minutas

Ingredienzas

• 1 baguette (ca. 250 g)
• 30 g ieli d'ulivas
• 50 g chaschiel frestg
• 100 g gorgonzola
• 3 pitschens pairs madirs 

Decoraziun

• 25 g nuschs
• 1 tschadun grond mel d'avieuls
• 6 romins da timian  

Preparaziun

• Tagliar la baguette en talgias e las unscher dad omaduas varts cun in zic ieli d'ulivas.
• Brassar las talgias da mintga vart en ina padella u las coier ca. 5 minutas en il furnel sin 180 grads.
• En il fratemp maschadar il gorgonzola ed il chaschiel frestg cun ina furtgetta.
• Tagliar ils singuls pairs en quatter parts ed alura tagliar quellas en talgias finas.
• Manizzar levet las nuschs e las brassar senza ieli sin temperatura mesauna. Betg stgaudar memia fitg las nuschs, ellas vegnan svelt nairas.
• Stritgar la maschaida da gorgonzola e chaschiel frestg sin ils crustins levamain sfradentads, metter sisur las talgias da pair e springir surengiu mel d'avieuls.
• Decorar ils crustins tievis cun las nuschs ed il timian ed als servir.

Tip

Avrir la box Serrar la box

Legenda: Crustins cun gorgonzola e pair | Crostini mit Gorgonzola & Birne RTR

Empè da gorgonzola pon ins era preparar ils crustins cun chaschiel frestg da latg-chaura u cun feta. In'alternativa als pairs èn ivas u figs.