Legenda:
RTR
temp da preparaziun: ca. 10 minutas
temp da coier: ca. 20-25 minutas
12-16 muffins
Recept per telechargiar | Rezept zum Nachkochen
Ingredienzas
Muffins
- 230 g farina
- 2 tschaduns pitschens pulvra da levon
- 1 presa sal
- tschadun pitschen natron
- 120 g zutger
- 1 satget zutger da vaniglia
- 1/2-1 tschadun pitschen cundiment per speculazius (alternativamain chanella u cundiment per pizieutas)
- 2 ovs
- 120 g paintg lom
- 180 g jogurt
Glasura
- 150 g paintg lom
- 150 g chaschiel frestg cun groma dubla
- 150 g pulvra da zutger
- 1 satget zutger da vaniglia
- colur da victualias verda
- 2 tschaduns gronds perlas da zutger
Preparaziun
Muffins
- Prestgaudar il furnel sin 175 grads (chalira da sura e da sut). Cuvrir mintga foppa da la furma da muffins cun ina furmetta da palpiri.
- Maschadar tut las ingredienzas sitgas en ina cuppa (farina, pulvra da levon, sal, natron, zutger, zutger da vaniglia, cundiment per speculazius).
- Maschadar en ina segunda cuppa ils ovs, il paintg lom ed il jogurt.
- Agiuntar las ingredienzas sitgas a las liquidas e truschar fin che tut las ingredienzas èn maschadadas bain.
- Emplenir la pasta en las furmettas da muffins e far coier las pettinas 20-25 minutas en il furnel stgaudà cun temperatura da sura e da sut.
- Emplenir las furmettas mo per circa 2/3, cunquai che la pasta va si cun coier.
Glasura
- Maschadar per la glasura tut las ingredienzas cun in scuet ed emplenir la massa en in satget da squittar cun ina bucchetta a staila. Metter a fraid la glasura almain 30 minutas avant che la duvrar.
- Squittar sin tut ils muffins in pignol grond u 2-3 pignols pitschens ed als decorar cun perlas da zutger. Conservar ils muffins en frestgera fin ch'els vegnan servids.