Siglir tar il cuntegn

Header

video
Porta 17: Tur da kaki cun mousse da tschigulatta
Or da RTR Social dals 17.12.2022.
laschar ir. Durada: 19 Secundas.
cuntegn

Chalender d'advent – porta 17 Dessert da kaki cun mousse da tschigulatta

Ina bella e buna cumbinaziun tranter tschigulatta e fritgs.

Rezept für ein einfaches Weihnachtsdessert: Kaki Dessert mit Mousse au Chocolat
Legenda: Dessert da kaki cun mousse da tschigulatta RTR

temp da preparaziun: ca. 15 minutas
temp da sfradentar: almain 4 uras
per 6 purziuns

Ingredienzas

  • 6 kakis pitschens u fritgs sharon (madirs, però betg memia loms)
  • 200 g tschigulatta dultschamara da buna qualitad
  • 400 g groma

Tip

Avrir la box Serrar la box

Nus recumandain da far il dessert cun kakis pitschens per che las purziuns na vegnian betg memia grondas. Tagliar ils kakis en 3-4 talgias. Ulteriuras rasadas vesan ora bain, daventan però instabilas. Ins po era fixar ellas cun tgiradents (lura exnum avertir ils giasts). La mousse da tschigulatta pon ins preparar bain. Ideal è damantunar ils kakis pir curt avant che servir els. Tgi che n'ha nagin satget da sprizzar po era prender in satget da schelentar e tagliar giu in chantun.

 

Preparaziun

  • Stgaudar la groma en ina padella, però betg la coier.
  • Manizzar la tschigulatta dultschamara e l'agiuntar a la groma chauda. Truschar bain, laschar vegnir fraida la maschaida a temperatura da stanza, silsuenter la sfradentar almain 3-4 uras en frestgera. Truschar da temp en temp.
  • Sbatter curtamain la maschaida da groma e tschigulatta fitg fraida cun in scuet enfin ch'ella è stgimusa.
  • Emplenir la mousse en in satget da squittar cun ina bucchetta mez gronda (ca. 0,6 cm) ed al metter en frestgera.
  • Lavar ils kakis curt avant che servir els ed als tagliar cun in bun cuntè per lung en 3-4 talgias gulivas. Tampunar ils tagls cun in palpiri da cuschina.
  • Ils kakis pon, na ston però betg vegnir spaletschads.
  • Cun tagliar giu in zic sutvart na balluccan ils kakis betg.
  • Sprizzar la mousse da tschigulatta sin las talgias da kaki e las mantunar. Servir immediat.

Artitgels legids il pli savens

Scrollar a sanestra Scrollar a dretga