Legenda:
RTR
Recept per telechargiar | Rezept zum Nachkochen
Ingredienzas
- 750 ml latg-vatga (u latg vegetal)
- 150 g tschigulatta alva/cuvertura
- 1 tschadun pitschen cundiment per pizieutas
Decoraziun
- 200 g groma (fitg fraida)
- 1 pachet zutger da vaniglia
- 1 tschadun pitschen pulvra da cacau (senza zutger)
- 1 tschadun grond tschigulatta alva splanada
- 4 scorsas-chanella (tenor gust)
Preparaziun
- Stgaudar il latg en ina padella sin temperatura mesauna, però betg al laschar buglir.
- En il fratemp manizzar la tschigulatta.
- Luentar la tschigulatta manizzada en il latg chaud.
- Agiuntar il cundiment per pizieutas e truschar bain fin che tut la tschigulatta è luada.
- Per la decoraziun: sbatter la groma fitg fraida cun 1 pachet zutger da vaniglia ed 1 tschadun pitschen pulvra da cacau.
- Derscher la bavronda chauda en 4 magiels, la garnir cun la groma tratga e la tschigulatta splanada e tenor gust era cun ina scorsa-chanella.
- Servir immediat.