2 purziuns
temp da preparaziun: 15 minutas
Legenda:
RTR
Ingredienzas
- 80 g flocs d'avaina
- 700 g latg
- 1 presa sal
- 1/2 tschadun pitschen cundiment per speculazius
- 1 pair
- 1 tschadun grond paintg
- 1 tschadun grond zutger
- 1 banana
- 2 tschaduns pitschens puré da nuschs
- 2 tschaduns pitschens confitura
- 20 g nuschs (p.ex. nuschs da pecan)
- tenor gust: ulteriura fritga stagiunala
Preparaziun
- Far buglir ils flocs d'avaina cun il latg e laschar coier la massa levet 1-2 minutas enten truschar.
- Agiuntar il sal ed il cundiment per speculazius, dar ina truschada e laschar scuflar la buglia d'avaina 3-5 minutas. Tut tenor la consistenza giavischada svidar tiers dapli liquid.
- Entant far permez il pair ed al caramelisar cun il tagl vers engiu en ina pitschna padella cun il paintg ed il zutger. Caramelisar sin temperatura mesauna per ch'il zutger na vegnia betg nair. Volver il pair suenter 2-3 minutas, cuvrir la padella cun il viertgel e stgaudar ulteriuras 3 minutas il pair sin temperatura mesauna.
- Truschar la buglia d'avaina e la reparter sin duas cuppas.
- Servir la buglia chauda cun la banana, il puré da nuschs, la confitura, las nuschs ed il pair caramelisà.