temp da preparaziun: ca. 25 minutas
temp da coier: ca. 20-25 minutas
6 purziuns sco avantpast
Recept per telechargiar | Rezept zum Nachkochen
Legenda:
RTR
Ingredienzas
- 750 g rischcotschnas
- 600 g tartuffels farinus
- 1 tschagula gronda
- 2 cons d'agl
- 3 talgias da schentsch
- 1 mail (aschin)
- ieli per brassar
- 1,5 liters broda da verdura
- 150 ml groma ascha
- sal e paiver
- 1 tschadun pitschen cundiment per pizieutas
Decoraziun
- 2-3 tschaduns gronds ragisch amara cun groma
- 50 g groma ascha
- peterschigl
- 1 mail aschin (tenor gust)
Preparaziun
- Lavar, spaletschar e tagliar en quadrins las rischcotschnas ed ils tartuffels.
- Mundar la tschagula e la tagliar en pitschens quadrins, smatgar l'agl e manizzar fin il schentsch.
- Lavar il mail, prender or il puegl ed al tagliar en pitschens quadrins.
- Stgaudar l'ieli en ina gronda padella, glasar lien las tschagulas, agiuntar l'agl ed il schentsch e brassar tut 1-2 minutas.
- Metter tiers ils quadrins da rischcotschnas e da tartuffels sco er il cundiment per pizieutas. Agiuntar la broda da verdura e laschar coier tut levet ca. 20-25 minutas.
- Purar bain la verdura loma almain ina minuta en in ferm mixer cun pe. Tut tenor la grondezza dal mixer purar la schuppa en 2-3 purziuns.
- Agiuntar 150 ml groma ascha, cundir cun sal e paiver e truschar bain.
- Reparter la schuppa sin 6 tagliers.
- Maschadar 50 g groma ascha cun la ragisch amara cun groma. Garnir la schuppa cun quella maschaida e cun il peterschigl manizzà fin fin. Tenor gust agiuntar pitschens quadrins da mail a la schuppa.
- Servir la schuppa chauda.
