Siglir tar il cuntegn

Header

Rezept für eine Weihnachtsmenu: Putenbraten mit Rotkohl
Legenda: RTR
cuntegn

Chalender d'advent – porta 22 Brassà da galdin cun giabus cotschen

Gust sin in brassà cun ina bella crusta da mel d'avieuls e mustarda? Alura cusseglian nus da pruvar quest recept qua sut. Ideal è da far las preparativas per quest menu gia il di avant.

6 purziuns
temp da preparaziun: 45 minutas | temp da coier: ca. 2 uras
Ideal èsi da far las preparaziuns il di avant.

Rezept für eine Weihnachtsmenu: Putenbraten mit Rotkohl
Legenda: Brassà da galdin cun giabus cotschen RTR

Ingredienzas per il giabus cotschen

  • 1500 g giabus cotschen
  • 2 mails
  • 300 ml broda da verdura
  • 100 g giglidras americanas
  • 300 ml vin (vin cotschen betg dultsch; alternativamain suc da fritga)
  • 100 ml aschieu balsamic
  • 1 tschagula
  • 2 fegls d'arbaja
  • 1 neghel
  • sal
  • paiver 

Ingredienzas per il brassà da galdin

  • 1,5 – 2,0 kg pèz da galdin
  • 3 tschaduns gronds ieli per brassar
  • 3 tschaduns gronds mustarda cun grauns gross
  • 4 tschaduns gronds mel d'avieuls
  • 1 tschadun grond ieli per la marinada
  • sal e paiver
  • 300 ml broda da verdura 

Preparaziun dal giabus cotschen

  • Allontanar ils pli gronds fegls dal giabus cotschen.
  • Far permez il giabus, prender ora la tschitga e tagliar fitg fin il giabus.
  • Grattar ils mails u als tagliar en quadrins.
  • Maschadar bain cun ils mauns il giabus cotschen, la broda da verdura, la maila, las giglidras americanas, il vin, l'aschieu balsamic, sal e paiver. Attenziun: il giabus cotschen colurescha tgunschamain ils mauns, ev. trair en guants da plastic.
  • Spaletschar ina tschagula, la far permez e chatschar lien ils neghels.
  • Agiuntar ils fegls d'arbaja, marinar il giabus sur notg en la padella u gist coier la verdura.
  • Laschar coier il giabus cotschen en ina padella cun viertgel ca. 2 uras sin temperatura bassa. Truschar da temp en temp e controllar che la padella cuntegnia avunda liquid per ch'il giabus cotschen n'ardia betg giu.
  • Agiuntar in zic aua, sch'i fa basegn.
  • Cundir la verdura cun sal e paiver, allontanar avant che servir la tschagula cun ils neghels ed ils fegls d'arbaja.
  • Preparar il brassà da galdin durant ch'il giabus cotschen coia. 

Preparaziun dal brassà da galdin

  • Prestgaudar il furnel sin 150 grads.
  • Maschadar la mustarda, l'ieli ed il mel d'avieuls e cundir la marinada cun sal e paiver.
  • Brassar il pèz da galdin da tuttas varts sin temperatura auta.
  • Metter il pèz da galdin bain brassà en ina gronda furma da scuflà ed al unscher cun la marinada.
  • Derscher surengiu la broda e far coier il brassà ca. 1,5 – 2 uras sin 150 grads fin che la temperatura da cor munta ad 86 grads.
  • Prender or dal furnel il brassà, pachetar el en folia d'aluminium e laschar pussar el 15 minutas. Silsuenter tagliar il brassà en talgias.
  • Servir il brassà cun il giabus cotschen.

Tip

Avrir la box Serrar la box

Cumenzar cun la verdura e preparar il brassà durant ch'il giabus coia. Il giabus cotschen po coier er in zic pli ditg senza vegnir memia lom.

Ins po era preparar la verdura il di avant e mo pli la stgaudar per servir – uschia daventa ella schizunt anc pli aromatica.

Tgi che na vul betg cuschinar cun vin, po remplazzar quel cun suc da maila, suc da giglidras americanas ubain suc d'uzuas.

Nus recumandain da servir il brassà ed il giabus cotschen cun tartuffels en paletscha.

Artitgels legids il pli savens

Scrollar a sanestra Scrollar a dretga