Legenda:
Focaccia cun pignol da Nadal
RTR
Recept per telechargiar | Rezept zum Nachkochen
Ingredienzas
- 1 kg farina alva (tip 550)
- 720 g aua (38°C)
- 5 g levon frestg
- 40 g pasta ascha
- 25 g sal
- 120 g ieli d'ulivas
- 20 romins da rosmarin
- 15 tomatas-datla
- 150 g ulivas (nairas e verdas)
- 1 tschadun grond flocs da sal
Legenda:
Focaccia cun pignol da Nadal
RTR
Tgi che n'ha nagina pasta ascha, po agiuntar 7 g levon frestg empè da mo 5 g.
Preparaziun
- Dissolver il levon en l'aua.
- Agiuntar la farina, 60 g ieli d'ulivas, la pasta ascha ed il sal e truschar la massa ca. 10-15 minutas ad ina pasta guliva a maun u cun il crutschet da la maschina da cuschina.
- Metter la pasta en ina cuppa e la cuvrir cun in viertgel ubain cun in sientamauns da vaschella umid.
- Silsuenter laschar pussar ella 3 uras en temperatura da stanza. Durant quel temp trair mintga 30 minutas ca. 4 giadas in pau per lung la pasta e puspè la faudar.
- Stritgar en ina lastra cun ieli, rasar ora la pasta e danovamain la cuvrir (p.ex. cun ina segunda lastra). Puspè laschar pussar la pasta 45 minutas en temperatura da stanza. La pasta duess uss avair fitg bleras scuflas grondas.
- Reparter l'ulteriur ieli d'ulivas sin la pasta ed empastar l'ieli cun la detta en la massa.
- Decorar la pasta p.ex. en furma d'in pignol cun rosmarin, ulivas e tomatas e springir surengiu flocs da sal.
- Danovamain laschar pussar la pasta ca. 15 minutas. Prestgaudar il furnel sin 230°C (chalira da sura e da sut).
- Metter en furnel la lastra cun la focaccia e la coier 20-25 minutas sin 230°C.
- Laschar sfradentar dal tuttafatg la focaccia avant che la tagliar.