Babka emplenida cun pumaraida | Babka mit Beerenfüllung
Ingredienzas
- 250 g farina alva
- 35 g paintg
- 10 g levon frestg
- 35 g zutger
- 1 bagiauna da vaniglia
- 100 g latg
- 1 ov
- 1 presa sal
Emplenida e decoraziun
- 120 g confitura da coclas/pumaraida
- 30 g flocs da mandels
Preparaziun
- Dar la pulpa d'ina bagiauna da vaniglia e tut las ulteriuras ingredienzas per la pasta da levon en ina cuppa. Truschar la massa 5 minutas ad ina pasta guliva a maun u cun il crutschet da la maschina da cuschina sin stgalim bass.
- Cuvrir la pasta cun in viertgel ubain cun in sientamauns da vaschella umid e laschar levar ella 4 uras en temperatura da stanza.
- Enfarinar la surfatscha da lavur e zullar ora fin la pasta ad in rectangul.
- Stritgar la confitura sin la pasta e rudlar en ella stagn da la vart lunga.
- Tagliar per lung la rolla cun in cuntè che taglia bain e volver ina enturn l'autra las pendas cun il tagl vers ensi.
- Smatgar ensemen las finiziuns da las pendas, metter la tarschola en ina furma da pettas (ca. 25 x 11 cm) e la springir cun ils flocs da mandels.
- Danovamain laschar levar la petta 30 minutas en temperatura da stanza e silsuenter la coier ca. 35 minutas en il furnel prestgaudà sin 180 grads (temperatura da sura e da sut).
- Cuvrir la petta suenter max. 20 minutas (u sche la surfatscha vegn memia stgira) cun folia d'aluminium ubain palpiri da furnel.