Legenda:
Salmun cun crusta da citrona ed ervas
RTR
4 purziuns
temp da preparaziun: 15 minutas
Ingredienzas
- 700 g filet da salmun vi dal toc cun pel
- 50 g parmesan
- 20 g peterschigl
- 3 romins da timian
- 2 citronas (bio)
- 2 cons d'agl
- 20 g panco (guarda tip)
- sal
- paiver
Preparaziun
- Prestgaudar il furnel sin 170 grads (chalira da sura e da sut).
- Cuvrir ina lastra ubain ina gronda furma da scuflà cun palpiri da furnel.
- Metter il salmun cun la pel engiu sin il palpiri da furnel.
- Grattar il parmesan, manizzar fin il peterschigl ed il timian (senza ils monis dirs), sfruschar giu la paletscha d'ina citrona e smatgar u tagliar fin 2 cons d'agl.
- Maschadar quellas ingredienzas cun il panco, cundir cun sal e paiver e reparter la massa sin il salmun.
- Coier il pesch ca. 20 minutas cun temperatura da sura e da sut sin 170 grads.
- Springir il salmun cun in zic paletscha da citronas gist sfruschada ed al servir cun snics da citronas.