Siglir tar il cuntegn

Header

Rezept für Weihnachtskonfiture: Kirschmarmelade mit Zimt
Legenda: RTR
cuntegn

Chalender d'advent – porta 5 Confitura da stailas-chanella

Essas Vus anc a la tschertga d'in regal fatg sez? Co fissi cun ina buna confitura? Oz preschentain nus a Vus in'idea per ina confitura cun stailas da chanella e viezlas.

6 magiels da ca. 200 ml (en total ca. 1200 ml)
temp da preparaziun: 15 minutas

Ingredienzas

  • 1 kg viezlas (Sauerkirsche) scheladas      
  • 500 g zutger da schelifitgar 2:1
  • 1 citrona
  • 1 tschadun pitschen chanella

Tenor gust: remplazzar 100 g viezlas cun 100 ml kirsch u vin chaud

Rezept für das Weihnachtsmenu: Lachs mit Zitronen-Kräuter Kruste
Legenda: RTR

Preparaziun

  • Sterilisar ils magiels (d'in cuntegn total da ca. 1200 ml) cun als metter ca. 10 minutas en il furnel stgaudà sin 150 grads ubain als coier curtamain en ina gronda padella. P. pl. stgaudar parts da plastic sco p.ex. il viertgel mo en l'aua e betg en il furnel!
  • Sdreglientar las viezlas en ina gronda padella sin temperatura bassa ed agiuntar il suc d'ina citrona.
  • Purar levet ils fritgs. Agiuntar il zutger da schelifitgar e la chanella e tenor gust il kirsch u il vin chaud e truschar la maschaida.
  • Far buglir la confitura truschond e silsuenter laschar coier ella 4 minutas sin temperatura auta.
  • Far l'emprova da schelifitgar: metter 1 tschadun grond da la confitura sin in plat fraid e la laschar sfradentar. Sche la massa vegn dira, pon ins emplenir la confitura en ils magiels. Uschiglio anc ina giada la coier 1 minuta e danovamain far l'emprova da schelifitgar.
  • Prender davent la stgima cun in chaz (na sto betg esser), silsuenter emplenir la confitura en ils magiels sterilisads fin sut l'ur ed immediat als serrar.
  • Tenor gust: stampar u scriver a maun las etichettas correspundentas e las fermar cun in bindel vi dals magiels.

Tip

Avrir la box Serrar la box

 Ins po era preparar la confitura cun autras coclas (scheladas). Sco spezarias s'adattan tut tenor gust chanella, neghels, anis stailà e cardamom u in cundiment per speculazius u per pizieutas.

Artitgels legids il pli savens

Scrollar a sanestra Scrollar a dretga