Siglir tar il cuntegn

Header

video
Porta 6: Tschigulatta chauda
Or da RTR Social dals 06.12.2022.
laschar ir. Durada: 23 Secundas.
cuntegn

Chalender d'advent – porta 6 Tschigulatta chauda

Ina idea per in regal che lascha cumparair in surrir sin ils lefs.

4 magiels da ca. 150 ml (mintga magiel dat ca. 3 cuppins tschigulatta chauda)
temp da preparaziun: 10 minutas

Ingredienzas

  • 60 g tschigulatta grattada (tschigulatta da latg u naira)
  • 200 g pulvra da tschigulatta
  • 40 g minimarshmallows

Material supplementar

  • 4 magiels da conservar da 150 ml
  • 8 egls per tatgar si
  • 4 cullinas da fieuter
  • 4 nettegiapipas (fildarom da zambregiar/fildarom da chenille)
  • colla

Preparaziun

  • Emplenir mintga magiel cun in pau tschigulatta grattada, agiuntar la pulvra da tschigulatta e per finir ils minimarshmallows.
  • Serrar ils magiels cun ils viertgels.
  • Fermar ils nettegiapipas enturn ils magiels ed als storscher sco cornas.
  • Tatgar si egls e nas.
  • Tenor gust: stampar u scriver a maun las etichettas correspundentas e las fermar cun in bindel vi dals magiels.
  • Per purziun dovri 2-3 tschaduns pitschens da la maschaida e 200 ml latg chaud. Dar tut en in cuppin, truschar e giudair.

Tip

Avrir la box Serrar la box

Empè da latg-vatga s'adattan er alternativas vegetalas sco latg d'avaina, da mandels u da soja.

Artitgels legids il pli savens

Scrollar a sanestra Scrollar a dretga