Qua pudais Vus telechargiar l'etichetta ed il recept | Rezept zum Nachkochen
12 purziuns
temp da preparaziun: 10 minutas; temp da coier: 20 minutas
Ingredienzas
- 500 g nuschs e sems tenor gust
- 50 g sirup d'ischi
- 1 bagiauna da vaniglia
- 1 tschadun pitschen cundiment per pizieutas
- 100 g giglidras americanas setgas
Preparaziun
- Prestgaudar il furnel sin 160 grads ad aria circulanta. Cuvrir ina lastra cun palpiri da furnel.
- Prender nuschs e sems entirs u tut tenor manizzar els levet cun in cuntè grond u cun il mixer.
- Maschadar las nuschs cun il sirup d'ischi, la pulpa d'ina bagiauna da vaniglia ed il cundiment per pizieutas.
- Reparter la maschaida sin la lastra e la far coier en il furnel ca. 20 minutas sin 160 grads ad aria circulanta.
- Truschar la massa 1-2 giadas.
- Agiuntar las giglidras americanas suenter 10 minutas.
- Laschar sfradentar dal tuttafatg las nuschs e las conservar en in vasch ermetic.
- Tenor gust: stampar u scriver a maun las etichettas correspundentas e las fermar cun in bindel vi dals vaschs.