4 magiels
temp da preparaziun: ca. 15 minutas
Punsch da maila cun spezarias (senza alcohol)
Ingredienzas
Recept da telechargiar | Rezept zum Nachkochen
- 2 satgets da té da maila (ubain d'in auter té da fritga)
- 1 liter aua
- 500 ml suc da maila
- 2 scorsas-chanella
- 5 grauns da paiver da Giamaica
- 2 anis stailads
- 2 neghels
- 1 oranscha (bio)
- 1 rudella da citrona (bio)
- 1-2 tschaduns gronds mel d'avieuls (tut tenor la dultschezza giavischada)
Decoraziun
- 1 mail
- 4 scorsas-chanella
Preparaziun
- Lavar l'oranscha e la citrona e las tagliar en rudellas.
- Stgaudar 1 liter aua en ina padella, cura che l'aua buglia agiuntar ils satgets da té da maila u da fritga e laschar trair il té tenor las indicaziuns nudadas sin l'emballadi.
- Gist agiuntar al té era las spezarias e las rudellas d'oranscha e da citrona.
- Allontanar ils satgets da té e dar tiers il suc da maila. Laschar trair la maschaida 15 minutas sin temperatura mesauna.
- Per la decoraziun: lavar il mail, al tagliar en talgias e furar ora cun ina furmetta pignols u stailas.
- Sagiar il punsch e tut tenor al dultschir cun mel d'avieuls.
- Derscher il punsch tras in culin en magiels e decorar quels cun ina scorsa-chanella ed in pignol u ina staila da mail. Servir il punsch chaud als giasts.